Book 2 • Chapter 188
Section 188
10 verses
Verse 1
राम दरस बस सब नर नारी जनु करि करिनि चले तकि बारी
Verse 2
बन सिय रामु समुझि मन माहीं सानुज भरत पयादेहिं जाहीं
Verse 3
देखि सनेहु लोग अनुरागे उतरि चले हय गय रथ त्यागे
Verse 4
जाइ समीप राखि निज डोली राम मातु मृदु बानी बोली
Verse 5
तात चढ़हु रथ बलि महतारी होइहि प्रिय परिवारु दुखारी
Verse 6
तुम्हरें चलत चलिहि सबु लोगू सकल सोक कृस नहिं मग जोगू
Verse 7
सिर धरि बचन चरन सिरु नाई रथ चढ़ि चलत भए दोउ भाई
Verse 8
तमसा प्रथम दिवस करि बासू दूसर गोमति तीर निवासू
Verse 9
पय अहार फल असन एक निसि भोजन एक लोग
Verse 10
करत राम हित नेम ब्रत परिहरि भूषन भोग
0:000:00
Speed: