Book 2 • Chapter 191
Section 191
10 verses
Verse 1
बेगहु भाइहु सजहु सँजोऊ सुनि रजाइ कदराइ न कोऊ
Verse 2
भलेहिं नाथ सब कहहिं सहरषा एकहिं एक बढ़ावइ करषा
Verse 3
चले निषाद जोहारि जोहारी सूर सकल रन रूचइ रारी
Verse 4
सुमिरि राम पद पंकज पनहीं भाथीं बाँधि चढ़ाइन्हि धनहीं
Verse 5
अँगरी पहिरि कूँड़ि सिर धरहीं फरसा बाँस सेल सम करहीं
Verse 6
एक कुसल अति ओड़न खाँड़े कूदहि गगन मनहुँ छिति छाँड़े
Verse 7
निज निज साजु समाजु बनाई गुह राउतहि जोहारे जाई
Verse 8
देखि सुभट सब लायक जाने लै लै नाम सकल सनमाने
Verse 9
भाइहु लावहु धोख जनि आजु काज बड़ मोहि
Verse 10
सुनि सरोष बोले सुभट बीर अधीर न होहि
0:000:00
Speed: