Book 2 • Chapter 197
Section 197
10 verses
Verse 1
सृंगबेरपुर भरत दीख जब भे सनेहँ सब अंग सिथिल तब
Verse 2
सोहत दिएँ निषादहि लागू जनु तनु धरें बिनय अनुरागू
Verse 3
एहि बिधि भरत सेनु सबु संगा दीखि जाइ जग पावनि गंगा
Verse 4
रामघाट कहँ कीन्ह प्रनामू भा मनु मगनु मिले जनु रामू
Verse 5
करहिं प्रनाम नगर नर नारी मुदित ब्रह्ममय बारि निहारी
Verse 6
करि मज्जनु मागहिं कर जोरी रामचंद्र पद प्रीति न थोरी
Verse 7
भरत कहेउ सुरसरि तव रेनू सकल सुखद सेवक सुरधेनू
Verse 8
जोरि पानि बर मागउँ एहू सीय राम पद सहज सनेहू
Verse 9
एहि बिधि मज्जनु भरतु करि गुर अनुसासन पाइ
Verse 10
मातु नहानीं जानि सब डेरा चले लवाइ
0:000:00
Speed: