Book 2 • Chapter 203
Section 203
10 verses
Verse 1
कियउ निषादनाथु अगुआईं मातु पालकीं सकल चलाईं
Verse 2
साथ बोलाइ भाइ लघु दीन्हा बिप्रन्ह सहित गवनु गुर कीन्हा
Verse 3
आपु सुरसरिहि कीन्ह प्रनामू सुमिरे लखन सहित सिय रामू
Verse 4
गवने भरत पयोदेहिं पाए कोतल संग जाहिं डोरिआए
Verse 5
कहहिं सुसेवक बारहिं बारा होइअ नाथ अस्व असवारा
Verse 6
रामु पयोदेहि पायँ सिधाए हम कहँ रथ गज बाजि बनाए
Verse 7
सिर भर जाउँ उचित अस मोरा सब तें सेवक धरमु कठोरा
Verse 8
देखि भरत गति सुनि मृदु बानी सब सेवक गन गरहिं गलानी
Verse 9
भरत तीसरे पहर कहँ कीन्ह प्रबेसु प्रयाग
Verse 10
कहत राम सिय राम सिय उमगि उमगि अनुराग
0:000:00
Speed: