Book 2 • Chapter 212
Section 212
10 verses
Verse 1
एहि दुख दाहँ दहइ दिन छाती भूख न बासर नीद न राती
Verse 2
एहि कुरोग कर औषधु नाहीं सोधेउँ सकल बिस्व मन माहीं
Verse 3
मातु कुमत बढ़ई अघ मूला तेहिं हमार हित कीन्ह बँसूला
Verse 4
कलि कुकाठ कर कीन्ह कुजंत्रू गाड़ि अवधि पढ़ि कठिन कुमंत्रु
Verse 5
मोहि लगि यहु कुठाटु तेहिं ठाटा घालेसि सब जगु बारहबाटा
Verse 6
मिटइ कुजोगु राम फिरि आएँ बसइ अवध नहिं आन उपाएँ
Verse 7
भरत बचन सुनि मुनि सुखु पाई सबहिं कीन्ह बहु भाँति बड़ाई
Verse 8
तात करहु जनि सोचु बिसेषी सब दुखु मिटहि राम पग देखी
Verse 9
करि प्रबोध मुनिबर कहेउ अतिथि पेमप्रिय होहु
Verse 10
कंद मूल फल फूल हम देहिं लेहु करि छोहु
0:000:00
Speed: