Book 2 • Chapter 213
Section 213
10 verses
Verse 1
सुनि मुनि बचन भरत हिंय सोचू भयउ कुअवसर कठिन सँकोचू
Verse 2
जानि गरुइ गुर गिरा बहोरी चरन बंदि बोले कर जोरी
Verse 3
सिर धरि आयसु करिअ तुम्हारा परम धरम यहु नाथ हमारा
Verse 4
भरत बचन मुनिबर मन भाए सुचि सेवक सिष निकट बोलाए
Verse 5
चाहिए कीन्ह भरत पहुनाई कंद मूल फल आनहु जाई
Verse 6
भलेहीं नाथ कहि तिन्ह सिर नाए प्रमुदित निज निज काज सिधाए
Verse 7
मुनिहि सोच पाहुन बड़ नेवता तसि पूजा चाहिअ जस देवता
Verse 8
सुनि रिधि सिधि अनिमादिक आई आयसु होइ सो करहिं गोसाई
Verse 9
राम बिरह ब्याकुल भरतु सानुज सहित समाज
Verse 10
पहुनाई करि हरहु श्रम कहा मुदित मुनिराज
0:000:00
Speed: