Book 2 • Chapter 214
Section 214
10 verses
Verse 1
रिधि सिधि सिर धरि मुनिबर बानी बड़भागिनि आपुहि अनुमानी
Verse 2
कहहिं परसपर सिधि समुदाई अतुलित अतिथि राम लघु भाई
Verse 3
मुनि पद बंदि करिअ सोइ आजू होइ सुखी सब राज समाजू
Verse 4
अस कहि रचेउ रुचिर गृह नाना जेहि बिलोकि बिलखाहिं बिमाना
Verse 5
भोग बिभूति भूरि भरि राखे देखत जिन्हहि अमर अभिलाषे
Verse 6
दासीं दास साजु सब लीन्हें जोगवत रहहिं मनहि मनु दीन्हें
Verse 7
सब समाजु सजि सिधि पल माहीं जे सुख सुरपुर सपनेहुँ नाहीं
Verse 8
प्रथमहिं बास दिए सब केही सुंदर सुखद जथा रुचि जेही
Verse 9
बहुरि सपरिजन भरत कहुँ रिषि अस आयसु दीन्ह
Verse 10
बिधि बिसमय दायकु बिभव मुनिबर तपबल कीन्ह
0:000:00
Speed: