Book 2 • Chapter 215
Section 215
10 verses
Verse 1
मुनि प्रभाउ जब भरत बिलोका सब लघु लगे लोकपति लोका
Verse 2
सुख समाजु नहिं जाइ बखानी देखत बिरति बिसारहीं ग्यानी
Verse 3
आसन सयन सुबसन बिताना बन बाटिका बिहग मृग नाना
Verse 4
सुरभि फूल फल अमिअ समाना बिमल जलासय बिबिध बिधाना
Verse 5
असन पान सुच अमिअ अमी से देखि लोग सकुचात जमी से
Verse 6
सुर सुरभी सुरतरु सबही कें लखि अभिलाषु सुरेस सची कें
Verse 7
रितु बसंत बह त्रिबिध बयारी सब कहँ सुलभ पदारथ चारी
Verse 8
स्त्रक चंदन बनितादिक भोगा देखि हरष बिसमय बस लोगा
Verse 9
संपत चकई भरतु चक मुनि आयस खेलवार
Verse 10
तेहि निसि आश्रम पिंजराँ राखे भा भिनुसार
0:000:00
Speed: