Book 2 • Chapter 222
Section 222
10 verses
Verse 1
कहहिं सपेम एक एक पाहीं रामु लखनु सखि होहिं कि नाहीं
Verse 2
बय बपु बरन रूप सोइ आली सीलु सनेहु सरिस सम चाली
Verse 3
बेषु न सो सखि सीय न संगा आगें अनी चली चतुरंगा
Verse 4
नहिं प्रसन्न मुख मानस खेदा सखि संदेहु होइ एहिं भेदा
Verse 5
तासु तरक तियगन मन मानी कहहिं सकल तेहि सम न सयानी
Verse 6
तेहि सराहि बानी फुरि पूजी बोली मधुर बचन तिय दूजी
Verse 7
कहि सपेम सब कथाप्रसंगू जेहि बिधि राम राज रस भंगू
Verse 8
भरतहि बहुरि सराहन लागी सील सनेह सुभाय सुभागी
Verse 9
चलत पयादें खात फल पिता दीन्ह तजि राजु
Verse 10
जात मनावन रघुबरहि भरत सरिस को आजु
0:000:00
Speed: