Book 2 • Chapter 23
Section 23
10 verses
Verse 1
कुबरिहि रानि प्रानप्रिय जानी बार बार बड़ि बुद्धि बखानी
Verse 2
तोहि सम हित न मोर संसारा बहे जात कइ भइसि अधारा
Verse 3
जौं बिधि पुरब मनोरथु काली करौं तोहि चख पूतरि आली
Verse 4
बहुबिधि चेरिहि आदरु देई कोपभवन गवनि कैकेई
Verse 5
बिपति बीजु बरषा रितु चेरी भुइँ भइ कुमति कैकेई केरी
Verse 6
पाइ कपट जलु अंकुर जामा बर दोउ दल दुख फल परिनामा
Verse 7
कोप समाजु साजि सबु सोई राजु करत निज कुमति बिगोई
Verse 8
राउर नगर कोलाहलु होई यह कुचालि कछु जान न कोई
Verse 9
प्रमुदित पुर नर नारि सब सजहिं सुमंगलचार
Verse 10
एक प्रबिसहिं एक निर्गमहिं भीर भूप दरबार
0:000:00
Speed: