Book 2 • Chapter 239
Section 239
10 verses
Verse 1
सखा समेत मनोहर जोटा लखेउ न लखन सघन बन ओटा
Verse 2
भरत दीख प्रभु आश्रमु पावन सकल सुमंगल सदनु सुहावन
Verse 3
करत प्रबेस मिटे दुख दावा जनु जोगीं परमारथु पावा
Verse 4
देखे भरत लखन प्रभु आगे पूँछे बचन कहत अनुरागे
Verse 5
सीस जटा कटि मुनि पट बाँधें तून कसें कर सरु धनु काँधें
Verse 6
बेदी पर मुनि साधु समाजू सीय सहित राजत रघुराजू
Verse 7
बलकल बसन जटिल तनु स्यामा जनु मुनि बेष कीन्ह रति कामा
Verse 8
कर कमलनि धनु सायकु फेरत जिय की जरनि हरत हँसि हेरत
Verse 9
लसत मंजु मुनि मंडली मध्य सीय रघुचंदु
Verse 10
ग्यान सभाँ जनु तनु धरे भगति सच्चिदानंदु
0:000:00
Speed: