Book 2 • Chapter 259
Section 259
10 verses
Verse 1
गुरु अनुराग भरत पर देखी राम ह्दयँ आनंदु बिसेषी
Verse 2
भरतहि धरम धुरंधर जानी निज सेवक तन मानस बानी
Verse 3
बोले गुर आयस अनुकूला बचन मंजु मृदु मंगलमूला
Verse 4
नाथ सपथ पितु चरन दोहाई भयउ न भुअन भरत सम भाई
Verse 5
जे गुर पद अंबुज अनुरागी ते लोकहुँ बेदहुँ बड़भागी
Verse 6
राउर जा पर अस अनुरागू को कहि सकइ भरत कर भागू
Verse 7
लखि लघु बंधु बुद्धि सकुचाई करत बदन पर भरत बड़ाई
Verse 8
भरतु कहहीं सोइ किएँ भलाई अस कहि राम रहे अरगाई
Verse 9
तब मुनि बोले भरत सन सब सँकोचु तजि तात
Verse 10
कृपासिंधु प्रिय बंधु सन कहहु हृदय कै बात
0:000:00
Speed: