Book 2 • Chapter 263
Section 263
10 verses
Verse 1
सुनि अति बिकल भरत बर बानी आरति प्रीति बिनय नय सानी
Verse 2
सोक मगन सब सभाँ खभारू मनहुँ कमल बन परेउ तुसारू
Verse 3
कहि अनेक बिधि कथा पुरानी भरत प्रबोधु कीन्ह मुनि ग्यानी
Verse 4
बोले उचित बचन रघुनंदू दिनकर कुल कैरव बन चंदू
Verse 5
तात जाँय जियँ करहु गलानी ईस अधीन जीव गति जानी
Verse 6
तीनि काल तिभुअन मत मोरें पुन्यसिलोक तात तर तोरे
Verse 7
उर आनत तुम्ह पर कुटिलाई जाइ लोकु परलोकु नसाई
Verse 8
दोसु देहिं जननिहि जड़ तेई जिन्ह गुर साधु सभा नहिं सेई
Verse 9
मिटिहहिं पाप प्रपंच सब अखिल अमंगल भार
Verse 10
लोक सुजसु परलोक सुखु सुमिरत नामु तुम्हार
0:000:00
Speed: