Book 2 • Chapter 264
Section 264
10 verses
Verse 1
कहउँ सुभाउ सत्य सिव साखी भरत भूमि रह राउरि राखी
Verse 2
तात कुतरक करहु जनि जाएँ बैर पेम नहि दुरइ दुराएँ
Verse 3
मुनि गन निकट बिहग मृग जाहीं बाधक बधिक बिलोकि पराहीं
Verse 4
हित अनहित पसु पच्छिउ जाना मानुष तनु गुन ग्यान निधाना
Verse 5
तात तुम्हहि मैं जानउँ नीकें करौं काह असमंजस जीकें
Verse 6
राखेउ रायँ सत्य मोहि त्यागी तनु परिहरेउ पेम पन लागी
Verse 7
तासु बचन मेटत मन सोचू तेहि तें अधिक तुम्हार सँकोचू
Verse 8
ता पर गुर मोहि आयसु दीन्हा अवसि जो कहहु चहउँ सोइ कीन्हा
Verse 9
मनु प्रसन्न करि सकुच तजि कहहु करौं सोइ आजु
Verse 10
सत्यसंध रघुबर बचन सुनि भा सुखी समाजु
0:000:00
Speed: