Book 2 • Chapter 268
Section 268
10 verses
Verse 1
लखि सब बिधि गुर स्वामि सनेहू मिटेउ छोभु नहिं मन संदेहू
Verse 2
अब करुनाकर कीजिअ सोई जन हित प्रभु चित छोभु न होई
Verse 3
जो सेवकु साहिबहि सँकोची निज हित चहइ तासु मति पोची
Verse 4
सेवक हित साहिब सेवकाई करै सकल सुख लोभ बिहाई
Verse 5
स्वारथु नाथ फिरें सबही का किएँ रजाइ कोटि बिधि नीका
Verse 6
यह स्वारथ परमारथ सारु सकल सुकृत फल सुगति सिंगारु
Verse 7
देव एक बिनती सुनि मोरी उचित होइ तस करब बहोरी
Verse 8
तिलक समाजु साजि सबु आना करिअ सुफल प्रभु जौं मनु माना
Verse 9
सानुज पठइअ मोहि बन कीजिअ सबहि सनाथ
Verse 10
नतरु फेरिअहिं बंधु दोउ नाथ चलौं मैं साथ
0:000:00
Speed: