Book 2 • Chapter 290
Section 290
10 verses
Verse 1
राम भरत गुन गनत सप्रीती निसि दंपतिहि पलक सम बीती
Verse 2
राज समाज प्रात जुग जागे न्हाइ न्हाइ सुर पूजन लागे
Verse 3
गे नहाइ गुर पहीं रघुराई बंदि चरन बोले रुख पाई
Verse 4
नाथ भरतु पुरजन महतारी सोक बिकल बनबास दुखारी
Verse 5
सहित समाज राउ मिथिलेसू बहुत दिवस भए सहत कलेसू
Verse 6
उचित होइ सोइ कीजिअ नाथा हित सबही कर रौरें हाथा
Verse 7
अस कहि अति सकुचे रघुराऊ मुनि पुलके लखि सीलु सुभाऊ
Verse 8
तुम्ह बिनु राम सकल सुख साजा नरक सरिस दुहु राज समाजा
Verse 9
प्रान प्रान के जीव के जिव सुख के सुख राम
Verse 10
तुम्ह तजि तात सोहात गृह जिन्हहि तिन्हहिं बिधि बाम
0:000:00
Speed: