Book 2 • Chapter 291
Section 291
10 verses
Verse 1
सो सुखु करमु धरमु जरि जाऊ जहँ न राम पद पंकज भाऊ
Verse 2
जोगु कुजोगु ग्यानु अग्यानू जहँ नहिं राम पेम परधानू
Verse 3
तुम्ह बिनु दुखी सुखी तुम्ह तेहीं तुम्ह जानहु जिय जो जेहि केहीं
Verse 4
राउर आयसु सिर सबही कें बिदित कृपालहि गति सब नीकें
Verse 5
आपु आश्रमहि धारिअ पाऊ भयउ सनेह सिथिल मुनिराऊ
Verse 6
करि प्रनाम तब रामु सिधाए रिषि धरि धीर जनक पहिं आए
Verse 7
राम बचन गुरु नृपहि सुनाए सील सनेह सुभायँ सुहाए
Verse 8
महाराज अब कीजिअ सोई सब कर धरम सहित हित होई
Verse 9
ग्यान निधान सुजान सुचि धरम धीर नरपाल
Verse 10
तुम्ह बिनु असमंजस समन को समरथ एहि काल
0:000:00
Speed: