Book 2 • Chapter 293
Section 293
10 verses
Verse 1
सुनि तन पुलकि नयन भरि बारी बोले भरतु धीर धरि भारी
Verse 2
प्रभु प्रिय पूज्य पिता सम आपू कुलगुरु सम हित माय न बापू
Verse 3
कौसिकादि मुनि सचिव समाजू ग्यान अंबुनिधि आपुनु आजू
Verse 4
सिसु सेवक आयसु अनुगामी जानि मोहि सिख देइअ स्वामी
Verse 5
एहिं समाज थल बूझब राउर मौन मलिन मैं बोलब बाउर
Verse 6
छोटे बदन कहउँ बड़ि बाता छमब तात लखि बाम बिधाता
Verse 7
आगम निगम प्रसिद्ध पुराना सेवाधरमु कठिन जगु जाना
Verse 8
स्वामि धरम स्वारथहि बिरोधू बैरु अंध प्रेमहि न प्रबोधू
Verse 9
राखि राम रुख धरमु ब्रतु पराधीन मोहि जानि
Verse 10
सब कें संमत सर्ब हित करिअ पेमु पहिचानि
0:000:00
Speed: