Book 2 • Chapter 303
Section 303
10 verses
Verse 1
कृपासिंधु लखि लोग दुखारे निज सनेहँ सुरपति छल भारे
Verse 2
सभा राउ गुर महिसुर मंत्री भरत भगति सब कै मति जंत्री
Verse 3
रामहि चितवत चित्र लिखे से सकुचत बोलत बचन सिखे से
Verse 4
भरत प्रीति नति बिनय बड़ाई सुनत सुखद बरनत कठिनाई
Verse 5
जासु बिलोकि भगति लवलेसू प्रेम मगन मुनिगन मिथिलेसू
Verse 6
महिमा तासु कहै किमि तुलसी भगति सुभायँ सुमति हियँ हुलसी
Verse 7
आपु छोटि महिमा बड़ि जानी कबिकुल कानि मानि सकुचानी
Verse 8
कहि न सकति गुन रुचि अधिकाई मति गति बाल बचन की नाई
Verse 9
भरत बिमल जसु बिमल बिधु सुमति चकोरकुमारि
Verse 10
उदित बिमल जन हृदय नभ एकटक रही निहारि
0:000:00
Speed: