Book 2 • Chapter 34
Section 34
10 verses
Verse 1
अस कहि कुटिल भई उठि ठाढ़ी मानहुँ रोष तरंगिनि बाढ़ी
Verse 2
पाप पहार प्रगट भइ सोई भरी क्रोध जल जाइ न जोई
Verse 3
दोउ बर कूल कठिन हठ धारा भवँर कूबरी बचन प्रचारा
Verse 4
ढाहत भूपरूप तरु मूला चली बिपति बारिधि अनुकूला
Verse 5
लखी नरेस बात फुरि साँची तिय मिस मीचु सीस पर नाची
Verse 6
गहि पद बिनय कीन्ह बैठारी जनि दिनकर कुल होसि कुठारी
Verse 7
मागु माथ अबहीं देउँ तोही राम बिरहँ जनि मारसि मोही
Verse 8
राखु राम कहुँ जेहि तेहि भाँती नाहिं त जरिहि जनम भरि छाती
Verse 9
देखी ब्याधि असाध नृपु परेउ धरनि धुनि माथ
Verse 10
कहत परम आरत बचन राम राम रघुनाथ
0:000:00
Speed: