Book 2 • Chapter 54
Section 54
10 verses
Verse 1
बचन बिनीत मधुर रघुबर के सर सम लगे मातु उर करके
Verse 2
सहमि सूखि सुनि सीतलि बानी जिमि जवास परें पावस पानी
Verse 3
कहि न जाइ कछु हृदय बिषादू मनहुँ मृगी सुनि केहरि नादू
Verse 4
नयन सजल तन थर थर काँपी माजहि खाइ मीन जनु मापी
Verse 5
धरि धीरजु सुत बदनु निहारी गदगद बचन कहति महतारी
Verse 6
तात पितहि तुम्ह प्रानपिआरे देखि मुदित नित चरित तुम्हारे
Verse 7
राजु देन कहुँ सुभ दिन साधा कहेउ जान बन केहिं अपराधा
Verse 8
तात सुनावहु मोहि निदानू को दिनकर कुल भयउ कृसानू
Verse 9
निरखि राम रुख सचिवसुत कारनु कहेउ बुझाइ
Verse 10
सुनि प्रसंगु रहि मूक जिमि दसा बरनि नहिं जाइ
0:000:00
Speed: