Book 2 • Chapter 58
Section 58
10 verses
Verse 1
दीन्हि असीस सासु मृदु बानी अति सुकुमारि देखि अकुलानी
Verse 2
बैठि नमितमुख सोचति सीता रूप रासि पति प्रेम पुनीता
Verse 3
चलन चहत बन जीवननाथू केहि सुकृती सन होइहि साथू
Verse 4
की तनु प्रान कि केवल प्राना बिधि करतबु कछु जाइ न जाना
Verse 5
चारु चरन नख लेखति धरनी नूपुर मुखर मधुर कबि बरनी
Verse 6
मनहुँ प्रेम बस बिनती करहीं हमहि सीय पद जनि परिहरहीं
Verse 7
मंजु बिलोचन मोचति बारी बोली देखि राम महतारी
Verse 8
तात सुनहु सिय अति सुकुमारी सासु ससुर परिजनहि पिआरी
Verse 9
पिता जनक भूपाल मनि ससुर भानुकुल भानु
Verse 10
पति रबिकुल कैरव बिपिन बिधु गुन रूप निधानु
0:000:00
Speed: