Book 2 • Chapter 65
Section 65
10 verses
Verse 1
मातु पिता भगिनी प्रिय भाई प्रिय परिवारु सुह्रद समुदाई
Verse 2
सासु ससुर गुर सजन सहाई सुत सुंदर सुसील सुखदाई
Verse 3
जहँ लगि नाथ नेह अरु नाते पिय बिनु तियहि तरनिहु ते ताते
Verse 4
तनु धनु धामु धरनि पुर राजू पति बिहीन सबु सोक समाजू
Verse 5
भोग रोगसम भूषन भारू जम जातना सरिस संसारू
Verse 6
प्राननाथ तुम्ह बिनु जग माहीं मो कहुँ सुखद कतहुँ कछु नाहीं
Verse 7
जिय बिनु देह नदी बिनु बारी तैसिअ नाथ पुरुष बिनु नारी
Verse 8
नाथ सकल सुख साथ तुम्हारें सरद बिमल बिधु बदनु निहारें
Verse 9
खग मृग परिजन नगरु बनु बलकल बिमल दुकूल
Verse 10
नाथ साथ सुरसदन सम परनसाल सुख मूल
0:000:00
Speed: