Book 2 • Chapter 77
Section 77
10 verses
Verse 1
सकइ न बोलि बिकल नरनाहू सोक जनित उर दारुन दाहू
Verse 2
नाइ सीसु पद अति अनुरागा उठि रघुबीर बिदा तब मागा
Verse 3
पितु असीस आयसु मोहि दीजै हरष समय बिसमउ कत कीजै
Verse 4
तात किएँ प्रिय प्रेम प्रमादू जसु जग जाइ होइ अपबादू
Verse 5
सुनि सनेह बस उठि नरनाहाँ बैठारे रघुपति गहि बाहाँ
Verse 6
सुनहु तात तुम्ह कहुँ मुनि कहहीं रामु चराचर नायक अहहीं
Verse 7
सुभ अरु असुभ करम अनुहारी ईस देइ फलु ह्दयँ बिचारी
Verse 8
करइ जो करम पाव फल सोई निगम नीति असि कह सबु कोई
Verse 9
औरु करै अपराधु कोउ और पाव फल भोगु
Verse 10
अति बिचित्र भगवंत गति को जग जानै जोगु
0:000:00
Speed: