Book 2 • Chapter 83
Section 83
10 verses
Verse 1
तब सुमंत्र नृप बचन सुनाए करि बिनती रथ रामु चढ़ाए
Verse 2
चढ़ि रथ सीय सहित दोउ भाई चले हृदयँ अवधहि सिरु नाई
Verse 3
चलत रामु लखि अवध अनाथा बिकल लोग सब लागे साथा
Verse 4
कृपासिंधु बहुबिधि समुझावहिं फिरहिं प्रेम बस पुनि फिरि आवहिं
Verse 5
लागति अवध भयावनि भारी मानहुँ कालराति अँधिआरी
Verse 6
घोर जंतु सम पुर नर नारी डरपहिं एकहि एक निहारी
Verse 7
घर मसान परिजन जनु भूता सुत हित मीत मनहुँ जमदूता
Verse 8
बागन्ह बिटप बेलि कुम्हिलाहीं सरित सरोवर देखि न जाहीं
Verse 9
हय गय कोटिन्ह केलिमृग पुरपसु चातक मोर
Verse 10
पिक रथांग सुक सारिका सारस हंस चकोर
0:000:00
Speed: