Book 2 • Chapter 84
Section 84
10 verses
Verse 1
राम बियोग बिकल सब ठाढ़े जहँ तहँ मनहुँ चित्र लिखि काढ़े
Verse 2
नगरु सफल बनु गहबर भारी खग मृग बिपुल सकल नर नारी
Verse 3
बिधि कैकेई किरातिनि कीन्ही जेंहि दव दुसह दसहुँ दिसि दीन्ही
Verse 4
सहि न सके रघुबर बिरहागी चले लोग सब ब्याकुल भागी
Verse 5
सबहिं बिचार कीन्ह मन माहीं राम लखन सिय बिनु सुखु नाहीं
Verse 6
जहाँ रामु तहँ सबुइ समाजू बिनु रघुबीर अवध नहिं काजू
Verse 7
चले साथ अस मंत्रु दृढ़ाई सुर दुर्लभ सुख सदन बिहाई
Verse 8
राम चरन पंकज प्रिय जिन्हही बिषय भोग बस करहिं कि तिन्हही
Verse 9
बालक बृद्ध बिहाइ गृँह लगे लोग सब साथ
Verse 10
तमसा तीर निवासु किय प्रथम दिवस रघुनाथ
0:000:00
Speed: