Book 2 • Chapter 88
Section 88
10 verses
Verse 1
यह सुधि गुहँ निषाद जब पाई मुदित लिए प्रिय बंधु बोलाई
Verse 2
लिए फल मूल भेंट भरि भारा मिलन चलेउ हिंयँ हरषु अपारा
Verse 3
करि दंडवत भेंट धरि आगें प्रभुहि बिलोकत अति अनुरागें
Verse 4
सहज सनेह बिबस रघुराई पूँछी कुसल निकट बैठाई
Verse 5
नाथ कुसल पद पंकज देखें भयउँ भागभाजन जन लेखें
Verse 6
देव धरनि धनु धामु तुम्हारा मैं जनु नीचु सहित परिवारा
Verse 7
कृपा करिअ पुर धारिअ पाऊ थापिय जनु सबु लोगु सिहाऊ
Verse 8
कहेहु सत्य सबु सखा सुजाना मोहि दीन्ह पितु आयसु आना
Verse 9
बरष चारिदस बासु बन मुनि ब्रत बेषु अहारु
Verse 10
ग्राम बासु नहिं उचित सुनि गुहहि भयउ दुखु भारु
0:000:00
Speed: