Book 1 • Chapter 10
Section 10
10 verses
Verse 1
एहि महँ रघुपति नाम उदारा अति पावन पुरान श्रुति सारा
Verse 2
मंगल भवन अमंगल हारी उमा सहित जेहि जपत पुरारी
Verse 3
भनिति बिचित्र सुकबि कृत जोऊ राम नाम बिनु सोह न सोऊ
Verse 4
बिधुबदनी सब भाँति सँवारी सोन न बसन बिना बर नारी
Verse 5
सब गुन रहित कुकबि कृत बानी राम नाम जस अंकित जानी
Verse 6
सादर कहहिं सुनहिं बुध ताही मधुकर सरिस संत गुनग्राही
Verse 7
जदपि कबित रस एकउ नाही राम प्रताप प्रकट एहि माहीं
Verse 8
सोइ भरोस मोरें मन आवा केहिं न सुसंग बडप्पनु पावा
Verse 9
धूमउ तजइ सहज करुआई अगरु प्रसंग सुगंध बसाई
Verse 10
भनिति भदेस बस्तु भलि बरनी राम कथा जग मंगल करनी
0:000:00
Speed: