Book 1 • Chapter 9
Section 9
13 verses
Verse 1
खल परिहास होइ हित मोरा काक कहहिं कलकंठ कठोरा
Verse 2
हंसहि बक दादुर चातकही हँसहिं मलिन खल बिमल बतकही
Verse 3
कबित रसिक न राम पद नेहू तिन्ह कहँ सुखद हास रस एहू
Verse 4
भाषा भनिति भोरि मति मोरी हँसिबे जोग हँसें नहिं खोरी
Verse 5
प्रभु पद प्रीति न सामुझि नीकी तिन्हहि कथा सुनि लागहि फीकी
Verse 6
हरि हर पद रति मति न कुतरकी तिन्ह कहुँ मधुर कथा रघुवर की
Verse 7
राम भगति भूषित जियँ जानी सुनिहहिं सुजन सराहि सुबानी
Verse 8
कबि न होउँ नहिं बचन प्रबीनू सकल कला सब बिद्या हीनू
Verse 9
आखर अरथ अलंकृति नाना छंद प्रबंध अनेक बिधाना
Verse 10
भाव भेद रस भेद अपारा कबित दोष गुन बिबिध प्रकारा
Verse 11
कबित बिबेक एक नहिं मोरें सत्य कहउँ लिखि कागद कोरे
Verse 12
भनिति मोरि सब गुन रहित बिस्व बिदित गुन एक
Verse 13
सो बिचारि सुनिहहिं सुमति जिन्ह कें बिमल बिवेक
0:000:00
Speed: