Book 1 • Chapter 8
Section 8
16 verses
Verse 1
आकर चारि लाख चौरासी जाति जीव जल थल नभ बासी
Verse 2
सीय राममय सब जग जानी करउँ प्रनाम जोरि जुग पानी
Verse 3
जानि कृपाकर किंकर मोहू सब मिलि करहु छाड़ि छल छोहू
Verse 4
निज बुधि बल भरोस मोहि नाहीं तातें बिनय करउँ सब पाही
Verse 5
करन चहउँ रघुपति गुन गाहा लघु मति मोरि चरित अवगाहा
Verse 6
सूझ न एकउ अंग उपाऊ मन मति रंक मनोरथ राऊ
Verse 7
मति अति नीच ऊँचि रुचि आछी चहिअ अमिअ जग जुरइ न छाछी
Verse 8
छमिहहिं सज्जन मोरि ढिठाई सुनिहहिं बालबचन मन लाई
Verse 9
जौ बालक कह तोतरि बाता सुनहिं मुदित मन पितु अरु माता
Verse 10
हँसिहहि कूर कुटिल कुबिचारी जे पर दूषन भूषनधारी
Verse 11
निज कवित केहि लाग न नीका सरस होउ अथवा अति फीका
Verse 12
जे पर भनिति सुनत हरषाही ते बर पुरुष बहुत जग नाहीं
Verse 13
जग बहु नर सर सरि सम भाई जे निज बाढ़ि बढ़हिं जल पाई
Verse 14
सज्जन सकृत सिंधु सम कोई देखि पूर बिधु बाढ़इ जोई
Verse 15
भाग छोट अभिलाषु बड़ करउँ एक बिस्वास
Verse 16
पैहहिं सुख सुनि सुजन सब खल करहहिं उपहास
0:000:00
Speed: