Book 1 • Chapter 110
Section 110
10 verses
Verse 1
जदपि जोषिता नहिं अधिकारी दासी मन क्रम बचन तुम्हारी
Verse 2
गूढ़उ तत्व न साधु दुरावहिं आरत अधिकारी जहँ पावहिं
Verse 3
अति आरति पूछउँ सुरराया रघुपति कथा कहहु करि दाया
Verse 4
प्रथम सो कारन कहहु बिचारी निर्गुन ब्रह्म सगुन बपु धारी
Verse 5
पुनि प्रभु कहहु राम अवतारा बालचरित पुनि कहहु उदारा
Verse 6
कहहु जथा जानकी बिबाहीं राज तजा सो दूषन काहीं
Verse 7
बन बसि कीन्हे चरित अपारा कहहु नाथ जिमि रावन मारा
Verse 8
राज बैठि कीन्हीं बहु लीला सकल कहहु संकर सुखलीला
Verse 9
बहुरि कहहु करुनायतन कीन्ह जो अचरज राम
Verse 10
प्रजा सहित रघुबंसमनि किमि गवने निज धाम
0:000:00
Speed: