Book 1 • Chapter 137
Section 137
10 verses
Verse 1
परम स्वतंत्र न सिर पर कोई भावइ मनहि करहु तुम्ह सोई
Verse 2
भलेहि मंद मंदेहि भल करहू बिसमय हरष न हियँ कछु धरहू
Verse 3
डहकि डहकि परिचेहु सब काहू अति असंक मन सदा उछाहू
Verse 4
करम सुभासुभ तुम्हहि न बाधा अब लगि तुम्हहि न काहूँ साधा
Verse 5
भले भवन अब बायन दीन्हा पावहुगे फल आपन कीन्हा
Verse 6
बंचेहु मोहि जवनि धरि देहा सोइ तनु धरहु श्राप मम एहा
Verse 7
कपि आकृति तुम्ह कीन्हि हमारी करिहहिं कीस सहाय तुम्हारी
Verse 8
मम अपकार कीन्ही तुम्ह भारी नारी बिरहँ तुम्ह होब दुखारी
Verse 9
श्राप सीस धरी हरषि हियँ प्रभु बहु बिनती कीन्हि
Verse 10
निज माया कै प्रबलता करषि कृपानिधि लीन्हि
0:000:00
Speed: