Book 1 • Chapter 14
Section 14
25 verses
Verse 1
एहि प्रकार बल मनहि देखाई करिहउँ रघुपति कथा सुहाई
Verse 2
ब्यास आदि कबि पुंगव नाना जिन्ह सादर हरि सुजस बखाना
Verse 3
चरन कमल बंदउँ तिन्ह केरे पुरवहुँ सकल मनोरथ मेरे
Verse 4
कलि के कबिन्ह करउँ परनामा जिन्ह बरने रघुपति गुन ग्रामा
Verse 5
जे प्राकृत कबि परम सयाने भाषाँ जिन्ह हरि चरित बखाने
Verse 6
भए जे अहहिं जे होइहहिं आगें प्रनवउँ सबहिं कपट सब त्यागें
Verse 7
होहु प्रसन्न देहु बरदानू साधु समाज भनिति सनमानू
Verse 8
जो प्रबंध बुध नहिं आदरहीं सो श्रम बादि बाल कबि करहीं
Verse 9
कीरति भनिति भूति भलि सोई सुरसरि सम सब कहँ हित होई
Verse 10
राम सुकीरति भनिति भदेसा असमंजस अस मोहि अँदेसा
Verse 11
तुम्हरी कृपा सुलभ सोउ मोरे सिअनि सुहावनि टाट पटोरे
Verse 12
सरल कबित कीरति बिमल सोइ आदरहिं सुजान
Verse 13
सहज बयर बिसराइ रिपु जो सुनि करहिं बखान 14(क)
Verse 14
सो न होइ बिनु बिमल मति मोहि मति बल अति थोर
Verse 15
करहु कृपा हरि जस कहउँ पुनि पुनि करउँ निहोर 14(ख)
Verse 16
कबि कोबिद रघुबर चरित मानस मंजु मराल
Verse 17
बाल बिनय सुनि सुरुचि लखि मोपर होहु कृपाल 14(ग)
Verse 18
बंदउँ मुनि पद कंजु रामायन जेहिं निरमयउ
Verse 19
सखर सुकोमल मंजु दोष रहित दूषन सहित 14(घ)
Verse 20
बंदउँ चारिउ बेद भव बारिधि बोहित सरिस
Verse 21
जिन्हहि न सपनेहुँ खेद बरनत रघुबर बिसद जसु 14(ङ)
Verse 22
बंदउँ बिधि पद रेनु भव सागर जेहि कीन्ह जहँ
Verse 23
संत सुधा ससि धेनु प्रगटे खल बिष बारुनी 14(च)
Verse 24
बिबुध बिप्र बुध ग्रह चरन बंदि कहउँ कर जोरि
Verse 25
होइ प्रसन्न पुरवहु सकल मंजु मनोरथ मोरि 14(छ)
0:000:00
Speed: