Book 1 • Chapter 141
Section 141
10 verses
Verse 1
अपर हेतु सुनु सैलकुमारी कहउँ बिचित्र कथा बिस्तारी
Verse 2
जेहि कारन अज अगुन अरूपा ब्रह्म भयउ कोसलपुर भूपा
Verse 3
जो प्रभु बिपिन फिरत तुम्ह देखा बंधु समेत धरें मुनिबेषा
Verse 4
जासु चरित अवलोकि भवानी सती सरीर रहिहु बौरानी
Verse 5
अजहुँ न छाया मिटति तुम्हारी तासु चरित सुनु भ्रम रुज हारी
Verse 6
लीला कीन्हि जो तेहिं अवतारा सो सब कहिहउँ मति अनुसारा
Verse 7
भरद्वाज सुनि संकर बानी सकुचि सप्रेम उमा मुसकानी
Verse 8
लगे बहुरि बरने बृषकेतू सो अवतार भयउ जेहि हेतू
Verse 9
सो मैं तुम्ह सन कहउँ सबु सुनु मुनीस मन लाई
Verse 10
राम कथा कलि मल हरनि मंगल करनि सुहाइ
0:000:00
Speed: