Book 1 • Chapter 147
Section 147
10 verses
Verse 1
सरद मयंक बदन छबि सींवा चारु कपोल चिबुक दर ग्रीवा
Verse 2
अधर अरुन रद सुंदर नासा बिधु कर निकर बिनिंदक हासा
Verse 3
नव अबुंज अंबक छबि नीकी चितवनि ललित भावँती जी की
Verse 4
भुकुटि मनोज चाप छबि हारी तिलक ललाट पटल दुतिकारी
Verse 5
कुंडल मकर मुकुट सिर भ्राजा कुटिल केस जनु मधुप समाजा
Verse 6
उर श्रीबत्स रुचिर बनमाला पदिक हार भूषन मनिजाला
Verse 7
केहरि कंधर चारु जनेउ बाहु बिभूषन सुंदर तेऊ
Verse 8
करि कर सरि सुभग भुजदंडा कटि निषंग कर सर कोदंडा
Verse 9
तडित बिनिंदक पीत पट उदर रेख बर तीनि
Verse 10
नाभि मनोहर लेति जनु जमुन भवँर छबि छीनि
0:000:00
Speed: