Book 1 • Chapter 152
Section 152
10 verses
Verse 1
इच्छामय नरबेष सँवारें होइहउँ प्रगट निकेत तुम्हारे
Verse 2
अंसन्ह सहित देह धरि ताता करिहउँ चरित भगत सुखदाता
Verse 3
जे सुनि सादर नर बड़भागी भव तरिहहिं ममता मद त्यागी
Verse 4
आदिसक्ति जेहिं जग उपजाया सोउ अवतरिहि मोरि यह माया
Verse 5
पुरउब मैं अभिलाष तुम्हारा सत्य सत्य पन सत्य हमारा
Verse 6
पुनि पुनि अस कहि कृपानिधाना अंतरधान भए भगवाना
Verse 7
दंपति उर धरि भगत कृपाला तेहिं आश्रम निवसे कछु काला
Verse 8
समय पाइ तनु तजि अनयासा जाइ कीन्ह अमरावति बासा
Verse 9
यह इतिहास पुनीत अति उमहि कही बृषकेतु
Verse 10
भरद्वाज सुनु अपर पुनि राम जनम कर हेतु
0:000:00
Speed: