Book 1 • Chapter 156
Section 156
10 verses
Verse 1
हृदयँ न कछु फल अनुसंधाना भूप बिबेकी परम सुजाना
Verse 2
करइ जे धरम करम मन बानी बासुदेव अर्पित नृप ग्यानी
Verse 3
चढ़ि बर बाजि बार एक राजा मृगया कर सब साजि समाजा
Verse 4
बिंध्याचल गभीर बन गयऊ मृग पुनीत बहु मारत भयऊ
Verse 5
फिरत बिपिन नृप दीख बराहू जनु बन दुरेउ ससिहि ग्रसि राहू
Verse 6
बड़ बिधु नहि समात मुख माहीं मनहुँ क्रोधबस उगिलत नाहीं
Verse 7
कोल कराल दसन छबि गाई तनु बिसाल पीवर अधिकाई
Verse 8
घुरुघुरात हय आरौ पाएँ चकित बिलोकत कान उठाएँ
Verse 9
नील महीधर सिखर सम देखि बिसाल बराहु
Verse 10
चपरि चलेउ हय सुटुकि नृप हाँकि न होइ निबाहु
0:000:00
Speed: