Book 1 • Chapter 158
Section 158
10 verses
Verse 1
फिरत बिपिन आश्रम एक देखा तहँ बस नृपति कपट मुनिबेषा
Verse 2
जासु देस नृप लीन्ह छड़ाई समर सेन तजि गयउ पराई
Verse 3
समय प्रतापभानु कर जानी आपन अति असमय अनुमानी
Verse 4
गयउ न गृह मन बहुत गलानी मिला न राजहि नृप अभिमानी
Verse 5
रिस उर मारि रंक जिमि राजा बिपिन बसइ तापस कें साजा
Verse 6
तासु समीप गवन नृप कीन्हा यह प्रतापरबि तेहि तब चीन्हा
Verse 7
राउ तृषित नहि सो पहिचाना देखि सुबेष महामुनि जाना
Verse 8
उतरि तुरग तें कीन्ह प्रनामा परम चतुर न कहेउ निज नामा
Verse 9
भूपति तृषित बिलोकि तेहिं सरबरु दीन्ह देखाइ
Verse 10
मज्जन पान समेत हय कीन्ह नृपति हरषाइ
0:000:00
Speed: