Book 1 • Chapter 175
Section 175
10 verses
Verse 1
अस कहि सब महिदेव सिधाए समाचार पुरलोगन्ह पाए
Verse 2
सोचहिं दूषन दैवहि देहीं बिचरत हंस काग किय जेहीं
Verse 3
उपरोहितहि भवन पहुँचाई असुर तापसहि खबरि जनाई
Verse 4
तेहिं खल जहँ तहँ पत्र पठाए सजि सजि सेन भूप सब धाए
Verse 5
घेरेन्हि नगर निसान बजाई बिबिध भाँति नित होई लराई
Verse 6
जूझे सकल सुभट करि करनी बंधु समेत परेउ नृप धरनी
Verse 7
सत्यकेतु कुल कोउ नहिं बाँचा बिप्रश्राप किमि होइ असाँचा
Verse 8
रिपु जिति सब नृप नगर बसाई निज पुर गवने जय जसु पाई
Verse 9
भरद्वाज सुनु जाहि जब होइ बिधाता बाम
Verse 10
धूरि मेरुसम जनक जम ताहि ब्यालसम दाम
0:000:00
Speed: