Book 1 • Chapter 187
Section 187
11 verses
Verse 1
जनि डरपहु मुनि सिद्ध सुरेसा तुम्हहि लागि धरिहउँ नर बेसा
Verse 2
अंसन्ह सहित मनुज अवतारा लेहउँ दिनकर बंस उदारा
Verse 3
कस्यप अदिति महातप कीन्हा तिन्ह कहुँ मैं पूरब बर दीन्हा
Verse 4
ते दसरथ कौसल्या रूपा कोसलपुरीं प्रगट नरभूपा
Verse 5
तिन्ह के गृह अवतरिहउँ जाई रघुकुल तिलक सो चारिउ भाई
Verse 6
नारद बचन सत्य सब करिहउँ परम सक्ति समेत अवतरिहउँ
Verse 7
हरिहउँ सकल भूमि गरुआई निर्भय होहु देव समुदाई
Verse 8
गगन ब्रह्मबानी सुनी काना तुरत फिरे सुर हृदय जुड़ाना
Verse 9
तब ब्रह्मा धरनिहि समुझावा अभय भई भरोस जियँ आवा
Verse 10
निज लोकहि बिरंचि गे देवन्ह इहइ सिखाइ
Verse 11
बानर तनु धरि धरि महि हरि पद सेवहु जाइ
0:000:00
Speed: