Book 1 • Chapter 2
Section 2
15 verses
Verse 1
गुरु पद रज मृदु मंजुल अंजन नयन अमिअ दृग दोष बिभंजन
Verse 2
तेहिं करि बिमल बिबेक बिलोचन बरनउँ राम चरित भव मोचन
Verse 3
बंदउँ प्रथम महीसुर चरना मोह जनित संसय सब हरना
Verse 4
सुजन समाज सकल गुन खानी करउँ प्रनाम सप्रेम सुबानी
Verse 5
साधु चरित सुभ चरित कपासू निरस बिसद गुनमय फल जासू
Verse 6
जो सहि दुख परछिद्र दुरावा बंदनीय जेहिं जग जस पावा
Verse 7
मुद मंगलमय संत समाजू जो जग जंगम तीरथराजू
Verse 8
राम भक्ति जहँ सुरसरि धारा सरसइ ब्रह्म बिचार प्रचारा
Verse 9
बिधि निषेधमय कलि मल हरनी करम कथा रबिनंदनि बरनी
Verse 10
हरि हर कथा बिराजति बेनी सुनत सकल मुद मंगल देनी
Verse 11
बटु बिस्वास अचल निज धरमा तीरथराज समाज सुकरमा
Verse 12
सबहिं सुलभ सब दिन सब देसा सेवत सादर समन कलेसा
Verse 13
अकथ अलौकिक तीरथराऊ देइ सद्य फल प्रगट प्रभाऊ
Verse 14
सुनि समुझहिं जन मुदित मन मज्जहिं अति अनुराग
Verse 15
लहहिं चारि फल अछत तनु साधु समाज प्रयाग
0:000:00
Speed: