Book 1 • Chapter 212
Section 212
10 verses
Verse 1
चले राम लछिमन मुनि संगा गए जहाँ जग पावनि गंगा
Verse 2
गाधिसूनु सब कथा सुनाई जेहि प्रकार सुरसरि महि आई
Verse 3
तब प्रभु रिषिन्ह समेत नहाए बिबिध दान महिदेवन्हि पाए
Verse 4
हरषि चले मुनि बृंद सहाया बेगि बिदेह नगर निअराया
Verse 5
पुर रम्यता राम जब देखी हरषे अनुज समेत बिसेषी
Verse 6
बापीं कूप सरित सर नाना सलिल सुधासम मनि सोपाना
Verse 7
गुंजत मंजु मत्त रस भृंगा कूजत कल बहुबरन बिहंगा
Verse 8
बरन बरन बिकसे बन जाता त्रिबिध समीर सदा सुखदाता
Verse 9
सुमन बाटिका बाग बन बिपुल बिहंग निवास
Verse 10
फूलत फलत सुपल्लवत सोहत पुर चहुँ पास
0:000:00
Speed: