Book 1 • Chapter 22
Section 22
10 verses
Verse 1
नाम जीहँ जपि जागहिं जोगी बिरति बिरंचि प्रपंच बियोगी
Verse 2
ब्रह्मसुखहि अनुभवहिं अनूपा अकथ अनामय नाम न रूपा
Verse 3
जाना चहहिं गूढ़ गति जेऊ नाम जीहँ जपि जानहिं तेऊ
Verse 4
साधक नाम जपहिं लय लाएँ होहिं सिद्ध अनिमादिक पाएँ
Verse 5
जपहिं नामु जन आरत भारी मिटहिं कुसंकट होहिं सुखारी
Verse 6
राम भगत जग चारि प्रकारा सुकृती चारिउ अनघ उदारा
Verse 7
चहू चतुर कहुँ नाम अधारा ग्यानी प्रभुहि बिसेषि पिआरा
Verse 8
चहुँ जुग चहुँ श्रुति ना प्रभाऊ कलि बिसेषि नहिं आन उपाऊ
Verse 9
सकल कामना हीन जे राम भगति रस लीन
Verse 10
नाम सुप्रेम पियूष हद तिन्हहुँ किए मन मीन
0:000:00
Speed: