Book 1 • Chapter 23
Section 23
10 verses
Verse 1
अगुन सगुन दुइ ब्रह्म सरूपा अकथ अगाध अनादि अनूपा
Verse 2
मोरें मत बड़ नामु दुहू तें किए जेहिं जुग निज बस निज बूतें
Verse 3
प्रोढ़ि सुजन जनि जानहिं जन की कहउँ प्रतीति प्रीति रुचि मन की
Verse 4
एकु दारुगत देखिअ एकू पावक सम जुग ब्रह्म बिबेकू
Verse 5
उभय अगम जुग सुगम नाम तें कहेउँ नामु बड़ ब्रह्म राम तें
Verse 6
ब्यापकु एकु ब्रह्म अबिनासी सत चेतन धन आनँद रासी
Verse 7
अस प्रभु हृदयँ अछत अबिकारी सकल जीव जग दीन दुखारी
Verse 8
नाम निरूपन नाम जतन तें सोउ प्रगटत जिमि मोल रतन तें
Verse 9
निरगुन तें एहि भाँति बड़ नाम प्रभाउ अपार
Verse 10
कहउँ नामु बड़ राम तें निज बिचार अनुसार
0:000:00
Speed: