Book 1 • Chapter 24
Section 24
10 verses
Verse 1
राम भगत हित नर तनु धारी सहि संकट किए साधु सुखारी
Verse 2
नामु सप्रेम जपत अनयासा भगत होहिं मुद मंगल बासा
Verse 3
राम एक तापस तिय तारी नाम कोटि खल कुमति सुधारी
Verse 4
रिषि हित राम सुकेतुसुता की सहित सेन सुत कीन्ह बिबाकी
Verse 5
सहित दोष दुख दास दुरासा दलइ नामु जिमि रबि निसि नासा
Verse 6
भंजेउ राम आपु भव चापू भव भय भंजन नाम प्रतापू
Verse 7
दंडक बनु प्रभु कीन्ह सुहावन जन मन अमित नाम किए पावन
Verse 8
निसिचर निकर दले रघुनंदन नामु सकल कलि कलुष निकंदन
Verse 9
सबरी गीध सुसेवकनि सुगति दीन्हि रघुनाथ
Verse 10
नाम उधारे अमित खल बेद बिदित गुन गाथ
0:000:00
Speed: