Book 1 • Chapter 25
Section 25
10 verses
Verse 1
राम सुकंठ बिभीषन दोऊ राखे सरन जान सबु कोऊ
Verse 2
नाम गरीब अनेक नेवाजे लोक बेद बर बिरिद बिराजे
Verse 3
राम भालु कपि कटकु बटोरा सेतु हेतु श्रमु कीन्ह न थोरा
Verse 4
नामु लेत भवसिंधु सुखाहीं करहु बिचारु सुजन मन माहीं
Verse 5
राम सकुल रन रावनु मारा सीय सहित निज पुर पगु धारा
Verse 6
राजा रामु अवध रजधानी गावत गुन सुर मुनि बर बानी
Verse 7
सेवक सुमिरत नामु सप्रीती बिनु श्रम प्रबल मोह दलु जीती
Verse 8
फिरत सनेहँ मगन सुख अपनें नाम प्रसाद सोच नहिं सपनें
Verse 9
ब्रह्म राम तें नामु बड़ बर दायक बर दानि
Verse 10
रामचरित सत कोटि महँ लिय महेस जियँ जानि
0:000:00
Speed: