Book 1 • Chapter 232
Section 232
10 verses
Verse 1
चितवहि चकित चहूँ दिसि सीता कहँ गए नृपकिसोर मनु चिंता
Verse 2
जहँ बिलोक मृग सावक नैनी जनु तहँ बरिस कमल सित श्रेनी
Verse 3
लता ओट तब सखिन्ह लखाए स्यामल गौर किसोर सुहाए
Verse 4
देखि रूप लोचन ललचाने हरषे जनु निज निधि पहिचाने
Verse 5
थके नयन रघुपति छबि देखें पलकन्हिहूँ परिहरीं निमेषें
Verse 6
अधिक सनेहँ देह भै भोरी सरद ससिहि जनु चितव चकोरी
Verse 7
लोचन मग रामहि उर आनी दीन्हे पलक कपाट सयानी
Verse 8
जब सिय सखिन्ह प्रेमबस जानी कहि न सकहिं कछु मन सकुचानी
Verse 9
लताभवन तें प्रगट भे तेहि अवसर दोउ भाइ
Verse 10
निकसे जनु जुग बिमल बिधु जलद पटल बिलगाइ
0:000:00
Speed: