Book 1 • Chapter 233
Section 233
10 verses
Verse 1
सोभा सीवँ सुभग दोउ बीरा नील पीत जलजाभ सरीरा
Verse 2
मोरपंख सिर सोहत नीके गुच्छ बीच बिच कुसुम कली के
Verse 3
भाल तिलक श्रमबिंदु सुहाए श्रवन सुभग भूषन छबि छाए
Verse 4
बिकट भृकुटि कच घूघरवारे नव सरोज लोचन रतनारे
Verse 5
चारु चिबुक नासिका कपोला हास बिलास लेत मनु मोला
Verse 6
मुखछबि कहि न जाइ मोहि पाहीं जो बिलोकि बहु काम लजाहीं
Verse 7
उर मनि माल कंबु कल गीवा काम कलभ कर भुज बलसींवा
Verse 8
सुमन समेत बाम कर दोना सावँर कुअँर सखी सुठि लोना
Verse 9
केहरि कटि पट पीत धर सुषमा सील निधान
Verse 10
देखि भानुकुलभूषनहि बिसरा सखिन्ह अपान
0:000:00
Speed: