Book 1 • Chapter 234
Section 234
10 verses
Verse 1
धरि धीरजु एक आलि सयानी सीता सन बोली गहि पानी
Verse 2
बहुरि गौरि कर ध्यान करेहू भूपकिसोर देखि किन लेहू
Verse 3
सकुचि सीयँ तब नयन उघारे सनमुख दोउ रघुसिंघ निहारे
Verse 4
नख सिख देखि राम कै सोभा सुमिरि पिता पनु मनु अति छोभा
Verse 5
परबस सखिन्ह लखी जब सीता भयउ गहरु सब कहहि सभीता
Verse 6
पुनि आउब एहि बेरिआँ काली अस कहि मन बिहसी एक आली
Verse 7
गूढ़ गिरा सुनि सिय सकुचानी भयउ बिलंबु मातु भय मानी
Verse 8
धरि बड़ि धीर रामु उर आने फिरि अपनपउ पितुबस जाने
Verse 9
देखन मिस मृग बिहग तरु फिरइ बहोरि बहोरि
Verse 10
निरखि निरखि रघुबीर छबि बाढ़इ प्रीति न थोरि
0:000:00
Speed: