Book 1 • Chapter 237
Section 237
10 verses
Verse 1
हृदयँ सराहत सीय लोनाई गुर समीप गवने दोउ भाई
Verse 2
राम कहा सबु कौसिक पाहीं सरल सुभाउ छुअत छल नाहीं
Verse 3
सुमन पाइ मुनि पूजा कीन्ही पुनि असीस दुहु भाइन्ह दीन्ही
Verse 4
सुफल मनोरथ होहुँ तुम्हारे रामु लखनु सुनि भए सुखारे
Verse 5
करि भोजनु मुनिबर बिग्यानी लगे कहन कछु कथा पुरानी
Verse 6
बिगत दिवसु गुरु आयसु पाई संध्या करन चले दोउ भाई
Verse 7
प्राची दिसि ससि उयउ सुहावा सिय मुख सरिस देखि सुखु पावा
Verse 8
बहुरि बिचारु कीन्ह मन माहीं सीय बदन सम हिमकर नाहीं
Verse 9
जनमु सिंधु पुनि बंधु बिषु दिन मलीन सकलंक
Verse 10
सिय मुख समता पाव किमि चंदु बापुरो रंक
0:000:00
Speed: